A Fundación

Coñecemento ao servizo dos seus dereitos

Trébol existe para investigar e xerar coñecemento para a defensa dos dereitos da infancia, a xuventude e as familias en risco de exclusión.
nena nun prado mirando a cámara cunha sonrisa
Traballando por un obxectivo

Transformación social desde o rigor científico.

1

Investigación e edición

Desenvolvemos e editamos traballos especializados na infancia e a xuventude.
2

Formación

Poñemos en marcha iniciativas de formación con enfoque de dereitos.
3

Mentoría social

Apostamos pola mentoría social, con proxectos comunitarios en beneficio de mozos e mozas sen apoio familiar e familias en dificultade social.
4

Redes territoriais

Formamos parte de redes territoriais, estatais e internacionais en proxectos capaces de mellorar o benestar de nenas, nenos e persoas mozas, de reducir a desigualdade e de xerar oportunidades de futuro.

A Fundación/Valores

Creatividade e experimentación desde a responsabilidade: que efectos produce o que facemos e como se poden mellorar.

Curiosidade por saber o que pasa e por que pasa: como se xeran as necesidades, como se produce a vulnerabilidade.

Sinerxías coa administración pública, as universidades e outros organismos da sociedade civil.

Prospectiva para a prevención, con atención ás tendencias que nos permitan facela de forma máis efectiva.

Avaliación e mellora para seleccionar as mellores prácticas e traballar mellor.

Optimización e priorización de recursos e actuacións.

Validación das nosas intervencións.

Compromiso ético

A Fundación/Transparencia

Estatutos da fundación
Contas anuais

A Fundación/Padroado

Presidente

Lluís Ballester Brage

Director da unidade de planificación e estudos do Consell de Mallorca; do Instituto de Ciencia da Educación da UIB e da Axencia de Calidade Universitaria da UIB.
É membro do Grupo de Investigación e Formación en Educación Social (GIFES) da UIB.
Investiga sobre programas para mozos e mozas, conflito xuvenil, bullying, programas preventivos familiares na infancia e adolescencia, prostitución, impacto da nova pornografía en adolescentes, entre outros temas.
Traballou en programas socioeducativos para mocidade, xustiza xuvenil e servizos sociais comunitarios.

Doutor en Socioloxía e traballador social.
Profesor de Métodos de Investigación na Universitat de les Illes Balears.

Secretario

Jesús Deibe Fernández Simo

Foi educador social durante dúas décadas en diversos recursos de apoio a adolescentes en situación de vulnerabilidade. Actualmente traballa como docente e investigador na Área de teoría e Historia da Educación do Departamento de Análise e Intervención Psicosocioeducativa da Universidade de Vigo. Imparte docencia no Grao de Educación Social da Facultade de Educación e Traballo Social de Ourense. A súa liña de investigación céntrase no acompañamento socioeducativo con adolescencia e mocidade durante a transición á vida adulta.

Graduado en Educación Social. Mestrado en Investigación Psicosocioeducativa con Adolescentes en Contextos Escolares. Doutor en Ciencias da Educación pola Universidade de Vigo.

Tesoureira

Nieves Lagares Díez

Profesora Titular de Ciencias Políticas e da Administración no Departamento de Ciencias Políticas e Socioloxía da Universidade de Santiago de Compostela.
É membro do Consello de Redacción da Revista Española de Ciencia e Política e do Consello de Redacción da revista Política e Sociedade.
Desempeñou distintos postos de xestión na USC, entre eles o de Decana da Facultade de Ciencias Políticas e Sociais. Foi directora do Máster Propio de Xestión da Cooperación Internacional e oenegés da USC dende o 2001 ata o 2012.
Vogal

Alba Paz Boubeta

Subdirectora xeral de Economía Social na Consellería de Economía, Emprego e Industria desde 2015.
É funcionaria de carreira do Corpo Superior da Administración Xeral da Xunta de Galicia desde 1993.
Desenvolveu a súa traxectoria laboral en diversos ámbitos de servizos sociais, recursos mariños e emprego.
Foi Xefa do servizo de Protección de Menores da Consellería de Traballo e Benestar entre 2009 e 2015.

Licenciada en dereito pola Universidade de Santiago de Compostela.

Vogal

Carlos Cortés León

Consultor social e experto en xestión de persoas e organizacións. Defínese como lutier para a transformación de persoas.
Foi director de Recursos Humanos de Ayuda en Acción e Médicos sin Fronteras, entre outras. Profesor colaborador de ESADE e docente en programas de xestión de equipos e liderado, sobre todo no terceiro sector.
É conferenciante e autor de varios libros, investigacións e artigos.
É coach PCC e facilitador de equipos. Acompaña a persoas e organizacións a atopar e seguir os seus procesos de cambio, guiados desde a súa intelixencia emocional e sentido común.

Licenciado en Dereito, Mestrado en RRHH, MBA, Dirección de Fundacións, Xestión de ONG e Liderado e Innovación Social.

Vogal

Clara de Saá Quintas

Xornalista e comunicadora, traballou na Radio Galega ata 2021. Nela co dirixiu o programa infantil 'Plis plis', merecedor do Premio Galicia de comunicación, e dirixiu durante 12 anos o programa 'Convivir' de temática social, que recibiu recoñecementos como os da Función Once, Cogami, Ong Terra de Homes ou Incorpora Galicia de Fundación "la Caixa".

É autora de contos infantís coa editorial Kalandraka (2000) e da guía didáctica para escolares “Protéxete con Proteliña” (2009). Co editou a revista infantil "Plis Plis" ata o 2006. É ademais co autora do libro "Aillados", sobre a memoria dos presos na Illa de San Simón, e guionista en Buxo Produccións en proxectos documentais relacionados coa recuperación da memoria histórica.

Foi membro da comisión de traballo do Centro Internacional da InterCulturalidade e do comité de seguimento da Radio-TV e Web CampuUSCulturae, proxecto plurianual beneficiario do programa Culture da EACEA, convocado pola UE e coordinado pola USC entre 2011 e 2016.

Vogal

Nuno Matías Ferreira

Director do Núcleo dos Açores da Direção-Geral de Reinserção e Serviços Prisionais, Ministerio de Justicia de Portugal.
Membro do comité directivo de diferentes ONGs en Portugal e en Galicia.

Licenciado en Traballo Social polo Instituto Superior de Serviço Social de Lisboa.

Vogal

Víctor Manuel Santidrián Arias

Traballa nun instituto público, de todas e todos.
Comparte con xentes de latitudes variadas inquedanzas sobre a educación, entre as que non é a menos importante a de abrir as aulas ao mundo que as rodea.
Pensa na Historia, coa que intenta, non sempre con éxito, entender o mundo.
Traballa con elas a Memoria na procura das persoas que, aínda que non aparezan nos libros, son facedoras do mellor que vivimos.

Naceu en Madrid, onde se licenciou en Xeografía e Historia. Despois de vivir e traballar en varios lugares de Galicia aséntase en Santiago de Compostela. Doutorouse na súa Universidade en Historia Contemporánea.

Dirección xeral

Carlos Rosón Varela

Estou no sector social desde que recordo.
Agora traballo polos dereitos da infancia e a xuventude en Igaxes e Trébol.
Son profesor da Escola Universitaria de Traballo Social da USC e coach ACSTH.
Como voluntario son presidente da Federación Jóvenes e Inclusión e membro directivo da Federación Internacional de Comunidades Educativas. Tamén son mentor de persoas emprendedoras e colaboro con diversas organizacións en tarefas de planificación estratéxica.
Traballei na cooperación ao desenvolvemento, con poboación xitana, persoas privadas de liberdade e en programas de rehabilitación de drogodependencias.

Licenciado en Dereito.
Mestrado en Xestión e Dirección de Entidades Sociais, Culturais, Sanitarias e Socioeconómicas.
Mestrado en Marketing, Consultoría e Comunicación Política.
Executive Education en Xestión e Organización de oenegés e en Liderado e Innovación Social.