A Fundación

Coñecemento ao servizo dos seus dereitos

Trébol existe para investigar e xerar coñecemento para a defensa dos dereitos da infancia, a xuventude e as familias en risco de exclusión.
nena nun prado mirando a cámara cunha sonrisa
Traballando por un obxectivo

Transformación social desde o rigor científico.

1

Investigación e edición

Desenvolvemos e editamos traballos especializados na infancia e a xuventude.
2

Formación

Poñemos en marcha iniciativas de formación con enfoque de dereitos.
3

Mentoría social

Apostamos pola mentoría social, con proxectos comunitarios en beneficio de mozos e mozas sen apoio familiar e familias en dificultade social.
4

Redes territoriais

Formamos parte de redes territoriais, estatais e internacionais en proxectos capaces de mellorar o benestar de nenas, nenos e persoas mozas, de reducir a desigualdade e de xerar oportunidades de futuro.

A Fundación/Valores

Creatividade e experimentación desde a responsabilidade: que efectos produce o que facemos e como se poden mellorar.

Curiosidade por saber o que pasa e por que pasa: como se xeran as necesidades, como se produce a vulnerabilidade.

Sinerxías coa administración pública, as universidades e outros organismos da sociedade civil.

Prospectiva para a prevención, con atención ás tendencias que nos permitan facela de forma máis efectiva.

Avaliación e mellora para seleccionar as mellores prácticas e traballar mellor.

Optimización e priorización de recursos e actuacións.

Validación das nosas intervencións.

Compromiso ético

A Fundación/Transparencia

Estatutos da fundación
Contas anuais

A Fundación/Padroado

Presidenta

Lorena Añón Loureiro

Desde 2011 é profesora da Escola Universitaria de Traballo Social da Universidade de Santiago de Compostela.
Traballou en distintos ámbitos da intervención social: terceiro sector, servizos sociais, migracións, mulleres, etc. Investigou sobre o sistema prostitucional desde un marco interpretativo feminista; traballo social e feminismos; políticas sociais e de inclusión social; procesos migratorios e intervención social desde unha perspectiva interseccional; e infancia e xuventude, entre outros.

Diplomada e graduada en Traballo Social.
Mestrado en Xestión e Intervención de Servizos Sociais e Mestrado en Investigación, Ordenación e Avaliación de Servizos Socio Sanitarios.

Secretaria

Rocío Gómez Juncal

Foi docente e investigadora en diferentes universidades españolas e actualmente é profesora na Escola Universitaria de Traballo Social da USC e na Universidad Internacional de La Rioja (UNIR) no Grao de Psicoloxía.
Conta con diferentes publicacións en revistas internacionais e editou materiais formativos na área da atención ao cliente, habilidades de dirección e relaxación.
Actualmente desenvolve iniciativas relacionadas coa discapacidade visual e a inclusión social no deporte e o lecer.

Licenciada en Psicoloxía pola Universidade de Santiago de Compostela e doutora en Psicoloxía pola Universidade de Vigo.

Tesoureira

Nieves Lagares Díez

Profesora Titular de Ciencias Políticas e da Administración no Departamento de Ciencias Políticas e Socioloxía da Universidade de Santiago de Compostela.
É membro do Consello de Redacción da Revista Española de Ciencia e Política e do Consello de Redacción da revista Política e Sociedade.
Desempeñou distintos postos de xestión na USC, entre eles o de Decana da Facultade de Ciencias Políticas e Sociais. Foi directora do Máster Propio de Xestión da Cooperación Internacional e oenegés da USC dende o 2001 ata o 2012.
Vogal

Lluís Ballester Brage

Director da unidade de planificación e estudos do Consell de Mallorca; do Instituto de Ciencia da Educación da UIB e da Axencia de Calidade Universitaria da UIB.
É membro do Grupo de Investigación e Formación en Educación Social (GIFES) da UIB.
Investiga sobre programas para mozos e mozas, conflito xuvenil, bullying, programas preventivos familiares na infancia e adolescencia, prostitución, impacto da nova pornografía en adolescentes, entre outros temas.
Traballou en programas socioeducativos para mocidade, xustiza xuvenil e servizos sociais comunitarios.

Doutor en Socioloxía e traballador social.
Profesor de Métodos de Investigación na Universitat de les Illes Balears.

Vogal

Carlos Cortés León

Consultor social e experto en xestión de persoas e organizacións. Defínese como lutier para a transformación de persoas.
Foi director de Recursos Humanos de Ayuda en Acción e Médicos sin Fronteras, entre outras. Profesor colaborador de ESADE e docente en programas de xestión de equipos e liderado, sobre todo no terceiro sector.
É conferenciante e autor de varios libros, investigacións e artigos.
É coach PCC e facilitador de equipos. Acompaña a persoas e organizacións a atopar e seguir os seus procesos de cambio, guiados desde a súa intelixencia emocional e sentido común.

Licenciado en Dereito, Mestrado en RRHH, MBA, Dirección de Fundacións, Xestión de ONG e Liderado e Innovación Social.

Vogal

Mariana Rodríguez-Losada Pérez

Actualmente é directora de desenvolvemento de negocio en Aquilonia.
Especialista en Recursos Humanos, área na que traballou nos ámbitos da xestión de equipos, captación, selección, formación e desenvolvemento.

Licenciada en Psicoloxía, Traballo e Organizacións.
Posgrao en Espacialización e Orientación Laboral.

Vogal

Nuno Matías Ferreira

Director do Núcleo dos Açores da Direção-Geral de Reinserção e Serviços Prisionais, Ministerio de Justicia de Portugal.
Membro do comité directivo de diferentes ONGs en Portugal e en Galicia.

Licenciado en Traballo Social polo Instituto Superior de Serviço Social de Lisboa.

Vogal

Alba Paz Boubeta

Subdirectora xeral de Economía Social na Consellería de Economía, Emprego e Industria desde 2015.
É funcionaria de carreira do Corpo Superior da Administración Xeral da Xunta de Galicia desde 1993.
Desenvolveu a súa traxectoria laboral en diversos ámbitos de servizos sociais, recursos mariños e emprego.
Foi Xefa do servizo de Protección de Menores da Consellería de Traballo e Benestar entre 2009 e 2015.

Licenciada en dereito pola Universidade de Santiago de Compostela.

Vogal

Víctor Manuel Santidrián Arias

Traballa nun instituto público, de todas e todos.
Comparte con xentes de latitudes variadas inquedanzas sobre a educación, entre as que non é a menos importante a de abrir as aulas ao mundo que as rodea.
Pensa na Historia, coa que intenta, non sempre con éxito, entender o mundo.
Traballa con elas a Memoria na procura das persoas que, aínda que non aparezan nos libros, son facedoras do mellor que vivimos.

Naceu en Madrid, onde se licenciou en Xeografía e Historia. Despois de vivir e traballar en varios lugares de Galicia aséntase en Santiago de Compostela. Doutorouse na súa Universidade en Historia Contemporánea.

Vogal representante Fundación Meniños

Xosé Manuel Villanueva Prieto

Actualmente é xefe da Área de Calidade da USC.
Patrono da Fundación Meniños desde 2000 e presidente desde 2016.

Licenciado en Filoloxía Hispánica.
Funcionario do Tribunal Tutelar de Menores de A Coruña, do Consello Superior de Protección de Menores do Ministerio de Xustiza e da Consellería de Benestar Social da Xunta de Galicia entre 1979 e 1987.
Xerente da Universidade de Santiago de Compostela de 1988 a 1990, de 2003 a 2005 e de 2014 a 2018.
Tenente de Alcalde do Concello de Santiago desde 1991 a 1999.
Xerente do Consorcio de Santiago entre 2005 e 2011.

Dirección xeral

Carlos Rosón Varela

Estou no sector social desde que recordo.
Agora traballo polos dereitos da infancia e a xuventude en Igaxes e Trébol.
Son profesor da Escola Universitaria de Traballo Social da USC e coach ACSTH.
Como voluntario son presidente da Federación Jóvenes e Inclusión e membro directivo da Federación Internacional de Comunidades Educativas. Tamén son mentor de persoas emprendedoras e colaboro con diversas organizacións en tarefas de planificación estratéxica.
Traballei na cooperación ao desenvolvemento, con poboación xitana, persoas privadas de liberdade e en programas de rehabilitación de drogodependencias.

Licenciado en Dereito.
Mestrado en Xestión e Dirección de Entidades Sociais, Culturais, Sanitarias e Socioeconómicas.
Mestrado en Marketing, Consultoría e Comunicación Política.
Executive Education en Xestión e Organización de oenegés e en Liderado e Innovación Social.