Centro Faia
Centro FAIA de Documentación e Investigación Social
Un centro independente e plural
Unha ferramenta para mellorar e innovar a intervención social
FAIA nace para xerar informes, estudos e investigacións que permitan mellorar e innovar a intervención social no eido da familia, a infancia e a xuventude en risco de exclusión. Ademais deseña e desenvolve propostas formativas relacionadas co cumprimento da súa misión.
O centro xurde, por unha banda, da experiencia de Igaxes na intervención directa coa infancia e a xuventude en situación vulnerable; pola outra, do corpus investigador e formativo da Fundación Trébol, tanto en proxectos propios como no marco de redes como a Asociación de Entidades Jóvenes e Inclusión.
Faia/Visión
Faia aspira a ser un punto de referencia na investigación no eido social
FAIA aspira a ser un punto de referencia en Galicia, España e Europa en termos de investigación e documentación especializada no eido social, útil para persoas, entidades sociais, universidades, administracións públicas e empresas.
Quere ser un actor influínte nas políticas sociais, con capacidade para xerar opinión e conectada con outras institucións líderes no campo da intervención e a investigación social.
Liñas principais de investigación
- Mocidade tutelada e ex tutelada
- Fortalecemento familiar
- Fracaso escolar
- Suicidio infantil e xuvenil
- Saúde mental de mozas e mozos do sistema de protección
- Prostitución infantil e xuvenil
- Inserción laboral da mocidade en risco de exclusión
- Educación afectivo sexual
- Igualdade de xénero
- Uso de novas tecnoloxías
- Nichos de mercado para a inserción laboral
- Escolas de segunda oportunidade
